منتدى الخواطر والأحاسيس

أدبى ثقافى اجتماعى


    قصدك عليا أنا د / إبراهيم زيتون

    شاطر

    hima3zima

    المساهمات : 1
    تاريخ التسجيل : 22/03/2011

    قصدك عليا أنا د / إبراهيم زيتون

    مُساهمة  hima3zima في الإثنين يونيو 13, 2011 6:09 pm

    قصدك عليا أنا مقدرتش أحميكى

    و لما صابوا الجرح معرفتش أداويكى

    افتكرى ليا الضنى و عذابى و يا الصبر

    أنا اللى عرقى سقى رملة ضواحيكى





    عايزه البراءه بقى و أشيل أنا الشيله

    طب ما أنت كنتى الحضن و مسكن العيله

    اللى ماكنت أمتلك فى جداره و لا طوبه

    و لما قولت يا حق قالولى بلا نيله





    الحق ضاع عندنا طالب و مش هتنول

    هنقول عليك جانى هنقول عليك مخبول

    كان ذنبى إنى سكت و الخوف عمى قلبى

    نهبوه قصاد عينى و اللى يخاف ما يقول





    أنا الأصيل يا بلد و أنتى اللى بعتينى

    دا عتاب و مش نكران لجميل على عينى

    أنا أشيل أسمك و أحفظ و أصون عهدك

    و أخلى حبك سيل يجرى فى شرايينى





    أنا كنت بحلم بيوم و الحلم كان غالى

    إنى أشوفك فوق و أبنى على العالى

    و قلت حلم بعيد ضاع الأمل منى

    ألتمسى ليا العذر لو تعرفى حالى





    الفجر لما طلع الليل نصبله كمين

    واقف مع نجومه بيساند الظالمين

    هيقولو أيه يعنى ع اللى معاه ربنا

    خلص الكلام أنتهى و الخزى للخاينين


    [b]
    avatar
    عاشق الآمال

    المساهمات : 144
    تاريخ التسجيل : 18/02/2011

    رد: قصدك عليا أنا د / إبراهيم زيتون

    مُساهمة  عاشق الآمال في الثلاثاء يونيو 14, 2011 11:01 pm

    خلص الكلام وأنتهى والخزى للخاينين
    ******
    تعبير وضع فى موضعه الصحيح
    الخزى للخاينين
    ولكن سنظل نطاب بالحق ولو لألوف السنين
    دا عمر الحق ما يضيع طول ما وراه مطالبين

      الوقت/التاريخ الآن هو الإثنين ديسمبر 11, 2017 5:02 pm