منتدى الخواطر والأحاسيس

أدبى ثقافى اجتماعى


    Samiha El Sebaie‎‏

    شاطر
    avatar
    عاشق الآمال

    المساهمات : 144
    تاريخ التسجيل : 18/02/2011

    Samiha El Sebaie‎‏

    مُساهمة  عاشق الآمال في الثلاثاء فبراير 19, 2013 5:30 pm

    اشتقت لك موووت ..
    اشتقت لهدوئك
    تثورى ما تثورى ..
    تتفكى عن طوقك
    تتغطى بالدخان ..
    ... تملى السما ألوان
    مخنوقة فى شروقك
    ……………
    اشتقت لرجوعك ..
    وأكره أوى خضوعك
    أكره ساعات الظلم ..
    ولو متنا من جوعك
    الحزن يملا الصوت .
    عشق الشباب الموت
    والصرخة فى ضلوعك
    ……………
    شايفك فى ليل الحزانى
    و سكة المجهول
    مين اللى فيكى اشترانا
    و خلا ليلنا يطول
    مين اللى دخل عِدانا
    اللى سبوا صحب رسول
    مين اللى غير حياتنا
    عشان يعيش مسؤول
    قال إيه بقالك حبيب ؟
    و أنا اللى بس عزول !!!
    ………………
    مين اللى عشق الزعامة
    وشاف فى نفسه زعيم
    وبص لينا بهايم
    نعشق البرسيم
    نموت قباله و يشخط
    بصباع فى عينا غشيم
    فاكرنا حبة عبيد
    و محتاجين تقويم
    …………
    ملعون أبوكى لو ..
    ما رجعتليش تاني
    أنا اللى شارب المر
    و متكسرة سناني
    و أنا اللى جواك حر ..
    و هو جِهْ أناني
    خطفك فى ليل الحزن
    و بدلوه مكانى
    منقول
    avatar
    عاشق الآمال

    المساهمات : 144
    تاريخ التسجيل : 18/02/2011

    رد: Samiha El Sebaie‎‏

    مُساهمة  عاشق الآمال في الثلاثاء فبراير 19, 2013 6:00 pm

    وانا عارف ان انتى فى الدنيا يا حبيبتى لكن بعيد عنى
    دمك على خدك والشوق ملا وردك وبتسالى عنى
    انا فى الحياه بجرى ملقتش نور فجرى وكانه فى عنيكى
    والآه بتسبقنى والخوف بيلحقنى والليل مخبيكى
    لو هو ده المكتوب
    ... انا راضى بالمكتوب
    لو عمرى كله يدوب
    بسال وانا مغلوب
    امتى بقاءه هنعيش
    منقول
    من محمود عبد الظيم

      الوقت/التاريخ الآن هو الأحد يناير 21, 2018 3:06 am