منتدى الخواطر والأحاسيس

أدبى ثقافى اجتماعى


    هتميلى على ميلهم

    شاطر

    Admin
    Admin

    المساهمات : 42
    تاريخ التسجيل : 25/12/2010

    هتميلى على ميلهم

    مُساهمة  Admin في الإثنين أغسطس 20, 2012 2:02 pm

    هتميلى على ميلهم و لا على ميلى

    هتعومى على عومهم و لا هترسيلى

    تجاربك السابقه ما كانتش و يايا

    آن الأوان تسمعى منى و تبقي لى
    ***
    الهم شلته لك و كنت بقول

    و لا يهمك أنا برضى و كلى قبول

    بكره الصبح هيجيلنا بأمل صاحى

    و توبك يبقى على ايدى أنا مغزول
    ***
    قالوله مفيش و لا ثوره و لا ثوار

    شويه ناس بتبلطج بلا أعذار

    متقلقش هنهرسهم بلا رحمه

    عشان بكره جايينلك على الدوار
    ***
    مقراش و لا كلمه و لو قرا ما وعاش

    تاريخك لو نسى هوا ما بينساش

    كتبله نهايه يدخلها ف أضيق باب

    عشان الحق لو ينوى ما يستناش
    ***
    نهايته أهو راح لكن ساب لنا فكره

    قطعنا الراس بس فضل لنا جسده

    بكل ما أوتى من قوه بيحاول يفرقنا

    حياه أو موت و شياطين ياما بتساعده
    ***
    خد عندك حتى الدين بقى تجاره

    واحد مقطوع يبيع الجنه بعباره

    يا تبقى معايا يا معاهم على جهنم

    ضحالة فكره فاكرها مناره و حضاره
    ***
    ناس يستعبطوا و ناس ما بتختشيش

    أخبار فكسانه تبقى حقيقه من مفيش

    يرددوا الأشاعه عشان تبقى أكيده

    شغلتهم بس إنه بينا الخوف يعيش
    ***
    زى ما ضيعوا الماضى يضيع بكره

    خيوط اللعبه حاكماها ايدين فاجره

    نعيش الوهم نستنى أمل ما يجيش

    نقوم نصحى يفوت الوقت من فتره
    ***
    مفيش مانع يقوموا بالخداع و المكر

    شعارهم تحيا مصالحنا و يحيا الغدر

    رغم ان ف قلوبهم مكر تغور له جبال

    مفيش فايده معاكى الله تعيشى يا مصر

    حاجه شايفنها فيكى احنا ما بنشوفهاش

    لما أنتى قيمه عاليه ليه احنا ما فهمناش؟

    يتأمروا عليكى دايما تقولش يعنى أمله

    يبقى أنتى صح أمله أحنا ما حاسينهاش
    ***
    خلاصة القول جالك وقت تختارى

    هتسندى مين؟ أيوا سؤالى اجبارى

    يا يبقى الظلم ف أركانك بانيله بيوت

    يا تقولى هبدى ويا ولادى مشوارى
    ***
    شباب زيى لا مؤدلج و لا ممصلح

    مالوش غيرك ياما فى دنيته اتمطوح

    هتبصيله راح يسبق و كله حماس

    ساعتها اعرفى بنفسك مين الأصلح؟


    منقول بقلم
    هيما عظيمة

      الوقت/التاريخ الآن هو الأحد يناير 21, 2018 3:05 am